Hukumar kula da mutane masu buƙata ta musamman ta Nijeriya NCPD, ta ce ta tallafa wa kimanin tsaffin sojoji 700 waɗanda aka sallama daga aiki saboda sun samu nakasa a lokacin da suke yaƙi da Boko Haram.
Babban Sakataren hukumar James Lalu ya bayyana haka a lokacin da ya bayyana gaban kwamitin Majalisar Dattawa kan ayyuka na musamman domin kare kasafin ma’aikatarsa na baɗi.
Lalu wanda ya ce akwai nakasassu a Nijeriya da yawansu ya kai miliyan 31.5 kuma adadin na daɗa ƙaruwa, ya buƙaci a ƙara yawan kuɗin da ake ware wa hukumar don su yi daidai da buƙatar ayyyukanta.
Ku kasance damu a shafin mu na www.muryaryanci.com domin samun ingantattun ruhotanni da dumi dumin su
