Tsadar Rayuwa: Kayayyakin Masarufi Sun Yi Tashin Da Ba A Taba Gani Ba A Tarihi – Hukumar Kididdiga

IMG 20240226 WA0252

Wata sabuwar ƙididdigar da Ofishin Ƙididdigar Alƙaluman Bayanai ta Ƙasa ta fitar, ya nuna cewa tsadar farashin kayan abinci da kayan masarufi ya cilla har zuwa ƙaruwa da kashi 37.92 a cikin watan Fabrairu.

Amma malejin tsadar rayuwa a cikin watan Fabrairu ya ƙaru zuwa kashi 31.70, idan aka kwatanta da kashi 29.90 na tsadar rayuwa daga Janairu, kamar yadda NBS ta fitar a ranar Juma’a.

Wannan ƙididdigar ta nuna cewa cikin watan Fabrairu 2024 tsadar rayuwa ta ƙaru da kashi 1.80, idan aka kwatanta da Janairu, 2024.

NBS ta ce hauhawar farashi da tsadar rayuwa sun tashi sosai a 2024, idan aka auna da watan Fabrairu 2023 inda ya ke a kashi 9.79, wanda a wancan lokacin maleji ya na kashi 21.91.

Tuni dai ababen more rayuwa suka gagari talaka, inda su kan su masu hali da masu ƙarfin halin sayen wasu kayan amfanin gida su ka fara haƙura.

Labarai Makamanta

Leave a Reply