Ketare: ECOWAS Ta Yi Tir Da Juyin Mulkin Burkina Faso

Ƙungiyar haɓaka tattalin arzikin ƙasashen Afirka ta Yamma, Ecowas, ta yi wadarai da juyin mulkin da sojoji suka yi a Burkina Faso, tana mai bayyana shi da “koma-baya” bayan ci gaban da aka samu.

“Ecowas na jaddada rashin amincewarta da ƙwace mulki ba ta hanyar da kundin tsarin mulki ya tanada ba,” a cewar sanarwar da ta fitar.

Ta ƙara da cewa “muna kira da a yi gaggawar komawa kan yarjejeniyar da aka cimma ta mayar da mulki ga farar hula a ranar 1 ga watan Yulin 2024”.

Ƙungiyar mai hedikwata a Abuja ta gargaɗi “duk wani mutum ko tawaga waɗanda aikinsu zai iya kawo tsaiko wajen mayar da mulki ga farar hula ko kuma tayar da hankali a Burkina Faso”.

Ita ma takwararta ta AU ta yi Allah-wadai da juyin mulkin, wanda Kaftin Ibrahim Traore ya jagoranta inda ya hamɓarar da Kanar Damiba wanda ya hau mulki a watan Janairun da ya wuce ta hanyar juyin mulki.

Labarai Makamanta

Leave a Reply