EFCC Ta Kai Samame Gidan Tsohon Gwamnan Kogi Yahaya Bello

Rahotanni sun bayyana cewa an yi harbe-harbe a wannan Larabar yayin da Gwamnan Kogi, Usman Ododo, ya tsere da tsohon gwamnan jihar, Yahaya Bello.

Lamarin na zuwa ne yayin da Ododo ya kai ziyara gidan Yahaya Bello da ke titin Benghazi a Unguwar Wuse Zone 4 da ke Abuja.

An ruwaito yadda jami’an Hukumar Ya?i da Yi wa Tattalin Arzikin ?asa Ta’annati (EFCC) suka yi wa gidan Yahaya Bello ?awanya tun da misalin ?arfe 9:25 na safiyar Laraba da nufin kama shi.

Sai dai jami’an na EFCC tare jami’an tsaro da suka ha?a da ’yan sanda da DSS sun shafe sa’o’i ba tare da sun tabbatar da cika aikin nasu ba.

An samu rahoton cewa suna shirin kama shi da ?arfin tsiya kafin isowar Gwamna Ododo, wanda ya shiga cikin gidan Yahaya Bello tare da ?imbin masu zanga-zangar suna rera wa?o?in nuna goyon baya ga yadda jami’an suka yi wa gidan ?awanya.

Sai dai a yayin da Gwamna Ododo ke barin gidan, Aminiya ta samu rahoton cewa Yahaya Bello na cikin motarsa, lamarin da ya tilastawa jami’an tsaron da suka kwashe sa’o’i a cikin shirin bu?e wuta.

Masu zanga-zangar, da ’yan jarida da masu kallo da masu wucewa sun yi ta tururuwa don kare lafiyarsu a lokacin da jami’an ke harbin.